Одлична вест за сите што живеат во Босна и Херцеговина, Србија, Црна Гора и Македонија и што сè уште не одлучиле каде ќе студираат: Имате можност бесплатно да студирате во Словенија!
Министерството за образование, наука и спорт на Република Словенија известува дека е продолжен договорот за бесплатно високо образование во Словенија за државјаните на Србија, Црна Гора, Босна и Херцеговина и Македонија, сè додека овие држави не влезат во Европската Унија. Оваа програма опфаќа и дипломски и постдипломски студии. Важно е да се истакне дека и за студентите од ЕУ, студирањето во Словенија е исто така бесплатно.
Напоменуваме дека студентите во Словенија благодарение на својот статус, добиваат различни привилегии. На пр. студентите на словенечките универзитети, вклучувајќи ги и странците, имаат право на попуст на исхраната, на јавниот превоз, на членството во библиотеките и на влезниците за културните манифестации и за музеите. Освен тоа, како и секој друг жител на Словенија, странскиот студент добива можност слободно да патува по цела Европа.
Секој студент може да учествува и во програмите на меѓународната размена Еразмус+ и да студира во други земји на ЕУ.
Огромна предност е и можноста за извршување пракса и стажирање во водечките компании, уште од првата година на студии. Студентот може да ги користи и услугите на студентскиот сервис за да си најде привремена или постојана работа. Дипломата стекната по завршувањето на студиите, отвора одлични кариерни перспективи зашто образованието во Словенија е познато по високиот квалитет и се признава насекаде во светот.
Со оглед на тоа што словенечкиот менталитет и култура во некои аспекти се слични со балканската култура и менталитет, адаптацијата на студентите поминува без проблеми. Странските студенти брзо се вклопуваат во новата јазична и културна средина.
